Fiðringur gerir vart við sig. Ég er spennt fyrir því nýja og óvænta. Ég sit í vinnunni, hér er friður og ró, brjálað veður úti svo að enginn vogar sér út fyrir hússins dyr. Útvarpið er í gangi, auglýsingar, raddir pólitíkusa og spámanna. Spurningar dagsins: Hvernig var árið 2007 og hvað ber nýtt ár 2008 í skauti sér?? Ég velti því einnig fyrir mér. Sumt er fyrirséð en svo margt ófyrirséð...

Ég hlakka til að sjá skaupið í kvöld...Ætli ég verði með alla brandarana á hreinu?? Svo er það hin margumrædda auglýsing... ætli ég noti ekki hléið þakklát og fái mér meiri ís í skál og jarðaber.  Harðfiskur og jólabjór. Svo mun ég skjóta upp flugeldum..eða ekki ef að veðurspáin rætist. Svona er Ísland í hnotskurn og ég dýrka það vegna þessa--veðrið óútreiknanlegt.

Í fyrramálið vakna ég svo á hreinasta morgni sem hugsast getur. Nýtt ár byrjað..nýtt upphaf.

Gleðilegt ár öll saman og takk fyrir það gamla. Megi nýtt ár færa ykkur gleði og gæfu.

Ykkar

Drea

Hæ og hó!

Jæja, þá er loksins helgi og annasamri viku lokið...ég hef hangið inni í allan dag... bara að chilla þið vitið... engin heimavinna þessa helgina og maður getur bara gert allt sem að mann langar til...

Notting Hill í kvöld. Já, Mike og kærasta eru í heimsókn hér og er ég að fara með þeim í afmælisboð á bar í Notting Hill. 

Camden á morgun. Maður þarf víst að gera einhver jólainnkaup og besta að skella sér á alvöru markað til þess!!

Æi, veit ekki hvað ég á að segja meira... Er alveg súper-chilluð eitthvað.

Að lokum:

Hafið það gott

Farið varlega

Elskið friðinn-strjúkið kviðinn

Ble Ble

Drean